Súkkulaði skúffukaka

Eftir
Þessi kaka var mjög vinsæl á mínu heimili þegar ég var yngri og var oft bökuð með sunnudagskaffinu eða við önnur tilfefni. Ég hef því borðað og bakað hana ótal mörgum sinnum og ég er á þeirri skoðun að hún sé bara einfaldlega sú besta. Uppskriftin er einföld. Þurrefnin eru mæld í bollum en ekki grömmum eða desilítrum, en ég hef bara notað miðlungsstóran bolla eða svolítið kúfað desilítramál. Það er súrmjólk í uppskriftinni sem veldur því að kakan verður dúnmjúk og nánast bráðnar í munninum. Ég hef oftast notað bara AB mjólk í staðin fyrir súrmjólk, það skiptir ekki öllu máli svo lengi sem það er "hreint", þ.e. ekki bragðbætt. Uppskriftin hljóðar svona: 

 3 egg
2 bollar sykur
200 gr. smjörlíki (mjúkt)
4 bollar hveiti
1 tsk. lyftiduft
2 tsk. natron/matarsódi
3-4 msk. bökunar-kakó
1 tsk. vanilludropar
2 bollar súrmjólk/AB mjólk eða hreint jógúrt

 Hitið ofninn í 180ºC. Egg og sykur þeytt vel saman, smjörlíkinu bætt við og svo er rest bætt út í og hrært þar til allt hefur blandast vel. Setjið deigið á hreina, smurða ofnskúffu (það er líka gott að nota bara bökunarsprey) og bakið í miðjum ofni í 20 mínútur. Hægt er að nota prjóna-"trikkið" til að athuga hvort kakan sé orðin bökuð. Stingið hreinum prjóni í miðjuna á kökunni, ef prjónninn kemur þurr upp úr er kakan tilbúin. 

 Það þarf alvöru krem á svona köku. Kremið inniheldur kaffi en get lofað því að þeir sem kunna ekki að meta kaffi munu samt elska þetta krem. Stundum hef ég verið kaffilaus og hef þá sett smá vanilludropa í staðinn. Það sem þú þarft er:

 1 egg
100 gr. smjörlíki
tæpur pakki flórsykur
2-3 msk. bökunar-kakó
2-3 msk. kaffi

 Ef þið eruð ekki mikið kaffi-fólk (eins og ég) en viljið samt geta lagað kaffi af og til fyrir gesti er um að gera að kaupa kaffið í krukkunum frá Nestlé, þá þarftu bara að sjóða vatn og hræra saman við - tilvalið þegar manni langar líka bara í einn bolla. Mér hefur líka verið sagt að það sé ekkert verra en annað kaffi. Einfalt og fljótlegt! Lagið kaffið og hrærið öllu vel saman. Látið kökuna kólna aðeins áður en kreminu er smurt á og voila! Það getur verið mjög gott að strá smá kókosmjöli ofan á kremið eða öðru kökuskrauti :) Verði ykkur að góðu!


Ummæli

Skrifa ummæli

Vinsælar færslur af þessu bloggi

Klassískar Íslenskar Pönnukökur og Súkkulaðilummur

Eftir
Mynd
Í þessu veðri er best að vera bara inni í kósýheitum og baka eitthvað gott með kaffinu. Í dag skellti ég í pönnukökur. Hérna ætla ég að deila með ykkur uppskrift af klassískum íslenskum pönnukökum og læt líka fylgja með uppskrift af súkkulaðilummum sem ég prófaði um daginn og voru ótrúlega góðar! Pönnukökur 3 dl hveiti 6 dl mjólk 1/2 tsk salt 3 egg 40 gr. brætt smjör 1 tsk vanilludropar Ég held að algengasta vesenið við að búa til pönnukökur er þegar þær fara að festast við pönnuna. Það sem ég hef gert er að bræða smjörið á pönnukökupönnunni og hella því svo af í deigskálina. Blandið öllu saman í stóra skál en hellið aðeins helmingnum af mjólkinni til að byrja með, þegar þið hafið hrært öllu vel saman er seinni helmingnum bætt út í. Hafið pönnukökupönnuna heita áður en þið byrjið, á meðalháum hita, ef þær byrja að brenna of hratt lækkið þá hitann aðeins. Hellið þunnu lagi af deigi á pönnuna og veltið henni svo deigið hylji hana. Gætið þess að setja ekki of mikið deig þar sem ...
Lesa meira

Afrísk Jollof hrísgrjón með kjúklingi

Eftir
Mynd
Fyrir nokkru síðan fékk ég áhuga á afrískri matargerð. Kærastinn minn er frá Ghana og þegar við fórum að búa saman langaði mig að innleiða uppskriftir úr hans heimalandi inn í okkar vanalega matar-plan. Ég er líka svo heppin að eiga góða nágrannakonu frá Ghana sem er frábær kokkur og hún hefur komið mér svolítið af stað. Ghanamenn (og konur) elda mikið sterkan mat og nota mikið þennan piparávöxt. Þetta er afrískur Habanero pipar og ég hef fengið mína í Hagkaup í litlum pokum. Þeir eru rosalega sterkir og ég nota yfirleitt ekki meira en hálfan pipar þegar ég elda með þá. Ef þið eruð hrifin af sterkum mat er hægt að setja örlítið meira en ég mæli með að þið prófið ykkur hægt áfram. Þá má frysta svo þeir endist lengur. Fyrst þegar ég eldaði með þennan pipar lenti ég í því að fá svolítið sem kallast "Hot Pepper Hands", en það er svakaleg bruna- og sviðatilfinning í höndinni, sérstaklega á handabakinu, sem fer ekki þó hendurnar séu þvegnar með sápu heldur þarf að láta þær li...
Lesa meira